Son Da Rede

ODAIKO, ou De como facer arte con baquetas.

2008-04-18T12:22:00.000-07:00

Ton Risco, Juan Collazo, Roberto Oliveira e Atonio Ocampo, estes son os "culpables" de que ver ODAIKO PERCUSION GROUP sexa un autentico espectaculo, como o que se viviu onte xoves na sala Capitol, en Santiago de Compostela.
Apáganse as luces, soan os tambore e da comezo o espectáculo. Case tres horas de autentica percusión, ritmos frenéticos e tamén relaxantes, son de tambore, auga, tubos e unha morea de cousas,tres horas de arte e espectáculo en vivo.
Son un verdadeiro exemplo de que en Galiza temos arte, e arte da boa, boa música e moi bos músicos.
Un espectáculo sempre moi recomendable, que dende Sondarede.com, invitamos a presenciar. Nada mais comezar vemos a estes catro músicos tocando a vez, tentamos nos primeiros intres seguir a técnica de cada un, ver como executan cada un dos seus movementos, pero de seguido sorprendémonos a nos mesmos pechando os ollos e deixándonos levar pola súa música.
Repasan estilos moi variados e poderíase dicir que tamen técnicas, pois vemos tocar dende tambore a tubos de plastico ou mesas de madeira. Repasan a música africana, cubana e incluso flamenco (momento no que incluso "baquetean" nunha guitarra).
Non daremos mais pistas e só nos resta desexarlles moita sorte e que poidan levar a súa música a todos os rincóns posibles.

"Fai Funky, Meu!!"

2008-03-07T05:45:00.000-08:00

LORETTA MARTIN
Brais (voz e guitarra), Iago (batería) e Fran (baixo) regalánnos os oídos dende A Coruña cun pasaporte musical ás praias hawaianas, preséntannos un estilo propio no que resalta a sonoridade das palabras lograda a través dunha elasticidade musical que caracteriza o seu estilo.
Segundo comentan no seu web as súas inspiracións son diversas e van dende Jamiroquai ata Vincius de Morais pasando polos Red Hot ou mesmo por Deep Purple
Contan cunha maqueta presentación que contén tres temas cun marcado estilo funki coas suas letras en galego e cuxos temas son: "Catarsis", "Noutro lugar" e "De regreso".
E tamén cun disco xestado en 2006, "Paraíso constante" do que incluso chegaron a facer o seguinte vioclip.

O dito amigos, como din os Loretta Martin: FAI FUNKY MEU!
Atoparedes máis información no seu sitio web http://www.lorettamartin.net/ Que inclúe as súas datas para 2008 e incluso posibilidade de descargar un paquete promocional deste "Paraíso distante".

Rock in Rio chega a España

2008-02-06T11:54:00.000-08:00

Pois como moitos de vos xa saberedes, este ano celébrase por vez primeira en España o "Rock in Rio". Será en Arganda del Rei, no sureste da Comunidade de Madrid, a uns 25 km da capital.
Levaráse a cabo os días 27 e 28 de xuño e 4, 5 e 6 de xullo.
O evento contará cunhas instalacións inmensas divididas nas seguintes zonas:
Escenario mundo: O escenario principal que acollerá os concertos máis "rechamantes" e multitudinarios, cun espectacular deseño inspirado na arquitectura contemporánea e con máis de 2.000 metros cadrados de superficie.
Carpa electrónica: 1.800 metros cadrados cheos de luz e deseño programados para recibir a moitos dos mellores Dj´s de música electrónica do panorama actual, como curiosidade 4000 metros de tubo luminoso...
Hot Stage: Espazo exclusivo para a música española.
Espacio niños: Teatro, contacontos, talleres de manualidades e demáis historias para os máis cativos.
Zona Radical: Para os máis atrevidos, pista de xeo, pista de neve, para workshops de snowboard, bumgee junp e tirolinas.
Zona VIP: Xa vos imaxinades de que vai... Capacidade para 2.000 invitados, lugar para ver e ser visto, sempre que esté a altura do peto.

E vamos co importante, por suposto, as actuacións:
El canto del Loco
Hombres G
The Police
Alejandro Sanz
Tokio Hotel
Tiësto
Carl Cox
Lenny Kravitz
Dj Vibe
Simon&Shaker
Wally López
(Polo de agora estes son as confirmadas xa que a organización vai dando a coñecer pouco a pouco aos artistas que participarán do RockinRio Madrid, especúlase con que estarán tamén,entre outros, Shakira e Iron Maiden... podes irte enterando no seu web).

As entradas sairán á venda o día 28 de Febreiro e o seu prezo está por confirmar, o único que se sabe é que terán prezos diferentes dependendo do día., pero contade con 60-70 €.
Páxina oficial: http://www.rockinriomadrid.terra.es/

EDITO PARA PORVOS AS ÚLTIMAS CONFIRMACIÓNS:

Shakira
Amy Winehouse
Jamiroquai
James Morrison
D-Formation
JL Magoya
Chris Cornell
Franz Ferdinand

Quinto capítulo

2008-02-03T15:07:00.000-08:00

Xa tedes á vosa disposición o quinto episodio do podcast. Desta inauguramos unha nova sección denominada "curiosidades" ademais poñemos dous temas, un de Sugar Mountain e outro da Inconsciencia. Agardamos que vos guste, e xa sabedes non deixedes de comentar!!!!

Un saúdo

(Para escoitar o podcast solo tedes que clicar na imaxe ou subscribirvos mediante o iTunes premendo na imaxe que tedes á dereita)

Click To Play

Novo disco de Memoria de Pez

2008-02-03T09:46:00.000-08:00

Dende o día 29 de xaneiro xa está nas rúas o primeiro disco "En el mar de los sueños" desta banda vasca. Os integrantes son: Jon Calvo (guitarra e voz), esté rapáz formou parte de "Los Inconscientes" con unha das lendas vivas do Rock and Roll no estado español: IñaKi Uoho; Aitor Lacalle (guitarra); Iban Uberuaga (baixo) e Asier Aldekogarai á percusión. A incorporación deste grupo ao panorama estatal supón un toque de frescura, se ben non pretenden innovar senón máis ben afondar nas raízes do mal chamado Rock Urbano. Notamos importantes influencias de grupos coma Platero y tu e evidentemente dos Inconscientes.

O disco foi gravado en Barcelona por Javier Roda e os seus compañeiros de EMAV, editado por MUXIK, o selo discográfico que capitanean Robe e Iñaki de Extremoduro. Ademais diso conta coas colaboracións de Cantera (Extremoduro, Inconscientes) encargado de gravar as baterías e Domingo Calzado (Calaña)

Cuarto capítulo

2008-01-30T11:56:00.000-08:00

Boas Amig@s!!!!
Estamos de volta para presentarvos o cuarto capítulo do noso podcast, nel poderedes escoitar tres temas de tres bandas que nos impresionaron. Agardamos que vos guste, e xa sabedes, non deixedes de comentar!!!

Un saúdo

(Para escoitalo solo tedes que clicar na imaxe ou subscribirvos mediante o iTunes no enderezo que tedes á dereita)
Click To Play

Rasa Loba

2008-01-28T04:46:00.000-08:00

Boas a tod@s!!!

Hoxe imos falar da nova banda do polifacético Tonhito de Poi, Rasa Loba. Tras o fracaso da súa anterior formación "A banda de Poi" embárcase agora nun novo grupo, desta vez máis a modo, que é como se fraguan os bos proxectos e acompañado por algún dos ex A banda de Poi. Segundo eles mesmos se definen: "Rasa loba é unha manada de cans que sobreviven no monte. Son uns fillos de paz e amor, da risa, da mentira, da maravilla, da falta de pasta; “ Destacamos en comer ovellas negras” afirman en cada entrevista.
Non queremos repetirnos por mor de morrer orixinais, así que de momento non hai disco"

Pese a iso no seu MySpace podedes escoitar seis temas propios (nun deles canta coa súa filla) así como as datas dos seus próximos concertos. Aconsellamosvos que se podedes vos acerquedes a algún dos seus bolos, xa que o espectáculo está case que asegurado!! Da mesma maneira desexamoslle toda a sorte do mundo a ToNhito e á súa SacHadora!

Esto é todo por hoxe!!! Verémonos axiña!!!!!

Motor Perkins

2008-01-18T02:23:00.000-08:00

Boas Amig@s!!!

Dende terras de Donramiro traemos a proposta de hoxe. Motor Perkins, sen dúbida unha banda repleta de enerxia e que coma o seu nome indica (Motor Perkins é un fabricante de motores para tractores) pretenden ser o ruxir do rural galego demostrando que nos lugares máis pequenos tamén se pode facer a mellor música.

Estes rapaces sorprendennos con unha mistura de punk-rock e algo de Folck, ás veces semella tamén country. O certo é que, se ben non somos capaces de encaixalos en ningún estilo, podemos asegurar que non deixarán indiferente a quen os escoiten tanto en vivo coma no disco-maqueta auto gravado, o cal podedes mercar nos concertos.
No seu MySpace teñen colgados un par de temas, fotos, e as datas dos seus próximos bolos, polo que se vos apetece disfrutar un anaco pegadevos unha volta.

Sen máis despedimonos agardando que a proposta sexa do voso agrado!!!!

Blue October

2008-01-13T08:36:00.000-08:00

Preme o "play" e disfruta da música mentres les o post.

Banda de Houston formada no 1995, son catro xa os albumes de estudio grabados: the answers(98), Consent to treatmen(2000), History for sale(2003) e Foiled(2006).Estos sen contar os seus dous albumes en directo.
As suas referencias son Peter Gabriel, Pink Floid ou U2, inda que, persoalmente reflexoos moito máis no primeiro deles, acercandose moitas veces a un rock melódico pero sen importarlle pisar a distrorsión o máximo en calquera momento.
Algo curioso tamen pode ser que en menos de oito anos de vida como grupo, dez son xa os compoñentes que desfilaron polas suas filas,sendo cinco musicos os que compoñen actualmente a formación,cos irmans Justin e Jeremy Furstenfeld a cabeza.
Disfrutade do rock, vémonos pronto!

Amy Winehouse

2008-01-09T13:55:00.000-08:00

Preme o "play" e disfruta da musica mentres les o post.

Amy Winehouse, moitas son as críticas que escoitamos sobre ela, moitos tamen os excesos que cometeu de cara ó público. Pero agora eu pidovos 4 minutos do voso tempo para que escoitedes a esta británica que naceu no 1983 escoitando artistas da talla de Ella Fitzgerald, Macy Gray ou Billie Holiday...sete sencillos e dous álbumes despois Amy consegue estremecerlle o corazón a calquera.
Pode parecer o de sempre, moita influencia pero nada de boa música, todo o contrario, se premestes o "play" agora o que vos pido e que pechedes os ollos e encontrarédesvos de súpeto nalgún clube de jazz diante de calquera destas marabillosas voces que antes nomeabamos.
Só teño eloxios para esta absolutamente admirable voz, deixovos dicindo que non deixedes de escoitar soul, soul do de verdade, a musica de clube de Amy Winehouse.

Feliz Ano 2008

2008-01-09T13:21:00.000-08:00

Hola a todos e feliz 2008!!!
Despois de algún tempo sen estar con vos, volvemos neste novo ano 2008 con moitas mais forzas e cheos de novos proxectos para vos, esta paxina sege a vosa disposición e a de todos os artistas que por aqui pasarán, de todos os bares de concertos e de todo o que represente a cultura musical. Só resta despedirse e dicirvos que fiquedes moi atentos....deica logo!

Cornelius, rock en estado puro!!!

2007-09-23T04:15:00.000-07:00

Boas amig@s de SonDaRede!!
Hoxe imos falar sobre cornelius, unha das mellores bandas do panorama galego actual que ben de sacar o seu primeiro disco "Greatest Hits". Este verán tivemos a sorte de asistir a un dos seus directos e quedamos certamente prendados do que son capaces de facer estes mozos, pensamento que se reafirmou ao escoitar, xa con máis calma, o seu disco.

Sen dúbida os que mellor poden definir cornelius deben ser os seus propios integrantes, polo que vos deixamos con unha entrevista que lle fixemos nas últimas datas:

-Cal é a vosa traxectoria como grupo:

A banda empezou a traballar a principios do 2005, ano en que publicamos a nosa primeira referencia, unha maqueta gravada por nós mesmos no Náutico de San Vicente. Despois de gañar varios concursos e empezar a funcionar no circuíto de música ao vivo de Galicia, metémonos no 2006 a gravar o noso primeiro disco, novamente auto producido e totalmente financiado pola banda. Antes de que este traballo saíse á rúa, a banda fíxose cos máis importantes premios da música de Galicia –banda máis votada do Novaxove Music, gañadores do Musicalia 07, nominados ao Mellor Directo de Galicia polo Maketon 40 Principales...–. Actualmente atopámonos presentando o disco –Greatest Hits (Pai Música)– por toda Galicia e preparamos varias incursións en cidades como Madrid, Salamanca ou Barcelona.

-Cales son as vosas influencias?

Disfrutamos con todo tipo de música: rock, funk, soul, reggae, jazz, pop... e intentamos levalo do xeito máis digno á nosa partitura. Invitámosvos a que descubrades por vos mesmos esas influencias dándolle un par de voltas a noso disco.

-Dentro de que estilo vos definiriades?

Rock, cunha clara tendencia á promiscuidade musical, mais rock á fin e ao cabo.

-Como están a marchar as ventas do voso primeiro disco "GREATEST HITS" ? en que lugares nos podemos facer con el?

Francamente ben. Aínda non comezamos coa presentación oficial do disco e xa estamos a piques de rematar a primeira edición. Ademáis de en tódolos directos da banda, o disco se pode atopar en grandes cadeas –tanto fisicamente como por internet– como FNAC, Gong, Halley, Discos Froiz..., na páxina web da compañía –www.pai-musica.com– e nas principais tendas de discos de Galicia.

-Que tal vai a vosa axenda de concertos?

Temos a sorte de saír a tocar alomenos unha vez á semana, aínda que o circuíto galego xa o temos bastante queimado. Como che comentaba antes, próximamente empezaremos a facer pequenas xiras fóra de Galicia. Recentemente a banda estivo presente no Mercat de la Musica de Vic (Barcelona), unha das feiras de música ao vivo máis importantes do Europa. En breve nos concretarán datas por esa zona.

-Cal é a opinión que vos merece a música que se fai actualmente en Galicia?

Sorprende a cantidade de bandas que hai. A bote pronto destaco a gran calidade da escea que se desprende do Seminario Permanante de Jazz de Pontevedra.

-A música nestes intres pasa por unha crise provocada pola pirateria, ceedes que existe unha solución para solventala? e en que medida lle afecta a grupos coma o voso?

Non nos afecta demasiado a copia e descarga de música. Pensamos que iso de crise é unha idea que nos venden as grandes empresas da industria musical, os verdadeiros 'piratas' ao noso parecer.

-Algo que queirades dicir..

Moitas gracias polo vosa atención. Unha aperta e vémonos nos directos

Vémonos pronto!!!

2007-09-06T11:54:00.000-07:00

Tras un pequeno parón de verán, non pensedes que por non escribir estivemos parados, Sondarede volverá nos próximos días cargado de novidades: entrevistas, podcast´s, locais de interese, concertos... e sobre todo música e máis música

Xa logo nos vemos!!!

Pub Gatos, Melide

2007-07-07T13:31:00.000-07:00

Boas Amigos, desta vez estamos aqui para presentarvos un local!!
O Pub Gatos é un deses míticos garitos roqueiros que toda vila que se precie debe ter!! Nas súas paredes hai décadas de rock´n roll en forma de bandeiras, carteis, pegatas...A verdade, case é un templo para os amantes desta música! Tras da barra o inconsumible Nani sirve copas e pincha o mellorciño da música nacional e internacional!!
No gatos fanse concertos moi a miudo, e máis coa chegada do calorciño, durante o mes de xullo estes serán os grupos que pasen polo local:

-Venres 13: "DEAN CURTIS & THE EASY SKANKING" Banda Holandesa con acento galego á batería. Tratase dun grupo tributo a BOB MARLEY. De seguro que nos farán pasar unha noite máis que agradable a ritmo de reggae.

-Sábado 14: ITH Sen dúbida dende Son Da Rede animamosvos enerxicamente a que acudades a este concerto, xa que na nosa opinión tratase dunha das mellores bandas de Rock en galego

-Venres 20: THE CADS Banda coruñesa liderada polo sempre espectacular Pablo Barros.

-Martes 24: Para rematar os concertos do mes do Apóstolo e polo tanto da Patria Galega,o Pub Gatos ofrecenos un programa doble con ANIMALES DOMESTICOS, grupo de corte eminentemente instrumental que podería calificarse de free jazz-rock psicodélico. Con batería galego na súa formación.
Tras eles actuará o brasileiro MOISÉS DOS SANTOS E O MANGO TRIO, no que participan membros dos Animales Domésticos facendo unha mestura de rock, bossa nova e samba que darannos alas para toda a noite, viva a festa.

Non o pensedes máis e pasade polo Pub Gatos, non vos arrepentiredes!!!

Un saúdo!!

Tom Chant

2007-07-05T09:30:00.000-07:00

Hoxe ocupa a nosa páxina un célebre saxofonista londinense, chamado Tom Chant. Tom leva tocando dende moi pequeno e iso podemolo apreciar na súa música, leva o free jazz ata extremos de improvisación completa, danos un son moi cercano e, sobre todo, un gran directo.
Este polifacético músico traballa na “Cinematic Orchestra”, nos “Marseille Figs”, na “ London Improvisation Orchestra” e no “Eddie Prevost Trio”, pero puidemos desfrutar en Compostela del en solitario, na “Sesións Vibracións”, celebradas na Sala Nasa.
No noso terceiro programa falamos con el e poderedes descubrir o que contestou as nosas preguntas. Pomos a vosa disposición neste terceiro episodio unha das súas cancións cos Marseille Figs neste caso para axudarvos a descubrir a este gran músico; o tema proposto foi “Low low thing”. Para máis información podédesvos pasar por www.tomchant.com

Terceiro Capítulo

2007-07-04T14:53:00.000-07:00

Boas Amigos de Son Da Rede!!!

Estamos outra vez por aquí para presentarvos o terceiro capítulo do noso Podcast, que xa está á vosa disposición!! Neste capítulo entrevistamos a Tom Chant, afamado saxofonista británico que acudeu a Compostela para mostrar o seu saber facer nunha das Sesións Vibracións que promove a Sala Nasa. Por outra banda poderedes escoitar un tema de Massei Figs, un dos grupos nos que toca o citado saxofonista! En último lugar neste podcast poñemos un fragmento da entrevista que nos fixeron no programa As Quimbambas da Radio Galega!! Esperamos que vos guste!!! Para o que queirades Info@sondarede.com

(Clicade no logo para escoitar o programa)

Click To Play

Hoxe falaremos na Radio Galega

2007-07-03T05:34:00.000-07:00

Hoxe a eso das 19:30 Son da Rede fará a súa primeira aparición nos medios de comunicación no programa As Quimbambas da radio galega! Xa sabedes, se queredes podedes escoitar a entrevista do xeito tradicional ou dende a web da radio galega!!
( Agradecementos a Mercedes, xa ela sabe o porque)

Oojami

2007-07-03T03:51:00.000-07:00

(Fotografía tomada por Laura Hojas Sánchez)

Oojami, grupo anglo-turco liderado por Necmi Cavli non deixa indiferente a ninguén, sempre anovadores, sempre diferentes, mostran a realidade plural dos sons das grandes urbes do século XXI.
Inspirados polo traballo pioneiro de Natacha Atlas e Transglobal Underground de mesturar ritmos modernos con elementos árabes tradicionais, os seus temas teñen a enerxía da música de baile pero con máis contido cultural: os sons tradicionais do laúde e a darbuka comparten protagonismo coa electrónica e o tecno británicos. A música de Oojami, está orientada ao ritmo, pero gusta de usar partes melódicas para facela diferente: hai tanto influencias turcas como asiáticas e africanas. Usaron mostras de bosquimáns halaharis de Sudáfrica. Probaron con músicos en Indonesia, Ghana, Marrocos, etc. Aínda que o elemento maior é o turco. O espectáculo, que conta cun derviche e cunha bailarina de ventre, é un máxico percorrido musical a través das culturas.

Son da Rede tivo a oportunidade de falar cos integrantes deste grupo xa que participaron no festival Sons da Rúa! No noso próximo podcast (o capítulo cuarto) poderedes escoitar un fragmento da entrevista que lles fixemos!! Da mesma maneira se clicades aquí poderedes ver unhas fotos cedidas por Laura Hojas e pertencentes ao citado festival santiagués!!

Un saúdo!!

Sugar Mountain

2007-06-29T19:10:00.001-07:00

Pontevedra. Verán do 1999. A paixón polo rock and roll de cinco bos amigos da lugar a Sugar Mountain. O seu son é compacto, rock americano cru e directo, de riffs contundentes e melodías luminosas. A banda está formada por: Javier Ruano (guitarra e voz), Ruben Álvarez (baixo), Yago Carreño (guitarra), Isaac Campos (órgano & pianos), José Salgado (batería) e Nestor Busquets (percusión).

Tras gravar duas demos tituladas 55 Tambo Island (2000) e A Little Sugar For Your Mind (2001), Sugar Mountain publicaHCT -o seu primeiro EP- en 2003, despois de actuar sen descanso nos seus tres anos de existencia e de compartir escenario con bandas como The Georgia Satellites, Drive-By Truckers, TheBellrays, Diamond Dogs e multitude de grupos do panorama español por todo o país.

A comezos de 2004 gravan o seu primer larga duración, titulado Hand Crafted Tunes. O productor do álbum é o gran Dan Baird (The Georgia Satellites, The Yayhoos), namorado da banda tras ter tocado xuntos un ano antes. O disco publicase en España baixo o selo Good Sounds. Hand Crafted Tunes colleita inmellorables críticas en toda a prensa especializada e leva ao grupo a tocar por todo o país así como en Alemaña, Portugal e a República Checa.

En outubro do 2006 publican o seu esperado segundo album In the Raw. O disco foi producido por Eric "Roscoe" Ambel (Del-Lords, Joan Jett, Steve Earle) e mezclado nos estudos Cowboy Technical Services por Greg Duffin e masterizado por Scott Hull (Bruce Springsteen, David Bowie, Steely Dan) In the Raw foi publicado simultaneamente en España (Good Sounds) e Estados Unidos (Brewery Records)

Segundo nos comentou Javier Ruano, guitarra e voz, na actualidade a Banda continua coa xira de In the Raw. Próximamente van participar con un tema nun disco tributo a Emitt Rhodes que se publicará en Estados Unidos a parte de un par de temas para un single que sacarán ao finalizar a xira actual. Posiblemente no 2008 teñamos novas dicográficas deste grupo!

Segundo programa

2007-06-26T13:01:00.001-07:00

Xa tedes á vosa disposición o segundo capítulo do noso podcast. Esperamos que vos guste!! Neste entrevistamos a Blasted Mechanism, escoitamos un pedazo do seu incrible directo e unha canción do seu último traballo discográfico: Sound in Light

Para escoitalo debedes clicar no logo!!

Un saúdo

Click To Play

Blasted Mechanism

2007-06-26T11:19:00.000-07:00

(fotografía de Laura Hojas Sanchez)

Esta semana SonDaRede.Com Tivo a oportunidade de entrevistar aos Blasted Mechanism no concerto que deron en Santiago de Compostela encadrado dentro do festival Sons da Rua. Podedes escoitar un pedazo desa entrevista no segundo capítulo do noso Podcast que xa tedes á vosa disposición. Tamén vos propoñemos que lle botedes un ollo á galeria de imaxes que nos cedeu desinteresadamente Laura Hojas Sánchez deste concerto.

Os Blasted Mechanism apostan pola innovación escénica, polo atrevemento e pola orixinalidade. Actualmente, son a proposta máis destacada da música alternativa en Portugal e a súa posta en escena non ten nada que ver co visto ata o de agora.

Centrados no rock, estes estraños mutantes, inventores dun dialecto propio (o karkoviano), mesturan a electrónica con sons ancestrais. O grupo recorre a varios elementos musicais e instrumentais exóticos, habituais na música tradicional das máis diferentes latitudes e culturas como didgeridoos ou trompas tibetanas.

A banda formouse no 1996, dende entón compartiron escenario con grupos como Rage Against the Machine, Moby, Marilyn Manson, Beck, The Prodigy, Asian Dub Foundation, Nick Cave e Chemical Brothers, entre outros. O pasado ano eran nominados por segunda vez como a mellor proposta portuguesa nos premios MTV Europa.

Os Blasted Mechanism veñen de lanzar o seu cuarto disco Sound in Light, unha viaxe á procura da espiritualidade. Quince novos temas, entre o rock industrial e a electrónica, con fortes influencias da 'world music' que, con toda seguridade, abducirán ao público.

Xa sabedes, se queredes saber mais acerca desta banda non deixedes de escoitar o noso podcast!!

Un saúdo

Alén

2007-06-26T06:35:00.000-07:00

Hoxe falaremos de Alén, grupo nado no ano 2004 a medio camiño entre Chantada e Rodeiro. Os seus compoñentes son exmembros de bandas coma The Kambotes, B12, Libranza, San Canuto...

Alén non pode catalogarse cunha etiqueta ou estilo concreto, xa que as súas influenzas son moi variadas (dende AC/DC, Machine Head, pasando por Freak Kitchen, Gov't Mule, Iron Maiden, Barricada, Deep Purple...). Partindo dunha consistente base rockeira pretenden experimentar cun amplo rexistro de sons, engadindo en ocasións pinceladas de gaita ou flauta, para intentar dotar a súas composicións dunha maior personalidade.

A temática das letras abarca tamén unha gran variedade, estando enfocadas na súa maior parte dende un punto de vista intimista e persoal, implícito e subxectivo, e baseándose no tratamento dun gran mundo de sensacións e emocións que conviven con todos nós no día a día.

Se queredes escoitar algo desta banda podedes facelo no seu my space, xa que Alén gravou unha demo de catro temas que lle axudou a darse a coñecer, segundo comenta o grupo esta demo tivo boa acollida, chegando a distribuir unhas 1500 copias.

Nestes intres o grupo está metido de cheo nas labores de preproducción do seu primeiro LP que estará composto por trece temas e un DVD con un videoclip e imaxes da gravación, así coma algunha colaboración sorpresa.O disco estará gravado baixo a batuta do famoso productor galego Javier Abreu (Boikot, Sugarless, Los Piratas, Killer Barbies....). Espérase que estea nas rúas, segundo calcula a banda, a principios do vindeiro ano. Dende Son Da Rede esperámolo coas nosas mellores expectativas.

Un saúdo

Ruxe Ruxe

2007-06-21T05:58:00.000-07:00

Ruxe-ruxe formouse aló polo ano 1.996 na aldea de Aríns en Santiago de Compostela. A súa música é unha mestura de rock & roll e música tradicional galega, combinadas cunha actitude descaradamente punk.
As súas cancións falan do cotián, da realidade que rodea á banda, o que lle trasfire o contido social que tan ben mesturan coa festa, a poesía, o conto e a retranca galega. Os ruxe-ruxe veñen de tocar nos festivais máis importantes do país, dos que cabe salientar o Festival de Vilariño, Festival de Pardiñas, A Festa dos Botes de Arzúa o Festigal ou o Sons da Diversidade todos este pasado 2006, o que supón para o grupo un valor engadido gracias a gran acollida de público en cada unha desas citas, o que contrastou que estamos ante unha das bandas galegas con mellor directo.
Nestes once anos de vida os ruxe-ruxe teñen tocado ao longo de toda a península e sempre con gran acollida de público e crítica. Teñen compartido cartel con bandas como os Wolfstone, Siniestro Total, Kepa Junkera, Berrogueto, Betagarri, Skalariak, Mercedes Peón, Budiño, Ialma, Habana Blues Band, etc, e están a consolidarse por méritos propios como a proposta de rock en Galego máis importante deste país.
Os ruxe-ruxe tamén contan con periódicas actuacións en televisión e radio, aportaron cancións a series de televisión e a películas de cine e teñen incluídas pezas en numerosos recopilatorios de música galega e celta.
O seu último traballo discográfico "Comercial" (pai records 2006) xa esgotou a primeira edición. "Comercial" é un disco ecléctico e directo onde os ruxe-ruxe expresan as suas vivencias sen edulcorar.

"Comercial" son once cavilacións en venda. Son once ideas cativas e retorcidas que se trocan por diñeiro e que endexamais estarán de saldo.
"Comercial" son once principios escritos en papel de fumar e que conbusten entre os beizos mentras enervan os teus argumentos.
"Comercial" es ti mercando a sua ialma... tás avisado

Podedes atopar máis información desta banda na súa WEB

Dinosaur Jr

2007-06-21T05:41:00.000-07:00

Neste primeiro artigo no que imos falar de musica internacional, queremos “presentar”, a unha banda Americana de Indie-Rock, Dinosaur Jr. Digo “presentar” para os que non a coñezan, pois levan xa dende 1983 rodando e sacando unha morea de discos. A nosa intención e a de facer chegar a todos a música e dar a coñecer a alguns bandas coma esta, pois non queremos que a sua música pase desapercibida.

Os que xa os coñezan saberán do que falo, pero os temas de esta banda americana son frescos e moi ricos en ritmos, moi influenciadas quizais por Nirvana e pode que os Pixies e Sonic Youth (dentro do Noise Pop, ou incluso no Grunge dos90).

Destacaremos dentro dos seus 8 albumes o ultimo: Beyond Fat Possum (2007), e tamen o do ano 1994: Without a Sound, que na miña moi particular opinión o merecen.

Se queredes saber máis sobre este grupo composto por Mascis coma a voz e guitarra, Lou Barlow ao baixo e Murph a bateria so tedes que escoitar o noso programa 1 (Take a run at the sun é o tema proposto) ou podedesvos pasar pola sua web para escoitar mais da sua musica: www.myspace.com/dinosaurjr

Un abrazo e deica o proximo post!!

Comezamos!!

2007-06-20T17:33:00.000-07:00

Boas amigos!!!

Neste primero podcast comentamos o calendario de concertos para os próximos días e, xa de paso, poderedes escoitar os dous temazos que engadimos!! Esperamos que vos guste, a xa sabedes, se ceedes que hai algo mellorable non deixedes de comentalo!!

Un saúdo!!!!!

(clicando no logo poderedes escoitar o podcast)
----------------------------------------